2023 жылдың қаңтар–тамызының қорытындысы бойынша, елде Сотқа дейінгі тергеп-тексерудің бірыңғай тізіліміне (СТБТ) «Жануарларға қатыгездік жасау» бабы бойынша 62 қылмыстық құқық бұзушылық тіркелді, бұл былтырғыдан 34,8% көп.
Салыстыру үшін: былтыр сәйкес кезеңде ҚР-да осындай 46 құқық бұзушылық тіркеліп, бір жылдағы өсім 4,5% болды.
Өңірлер бойынша «Жануарларға қатыгездік жасау» бабы бойынша ең көп құқық бұзушылық Алматы облысында тіркелді: былтырғымен бірдей 11 іс.
Одан кейін Павлодар (10 іс), Батыс Қазақстан (6 іс) және Қарағанды (6 іс) облыстары.
Еліміздегі 20 өңірдің 4-де — Ақтөбе, Шығыс Қазақстан, Жетісу және Солтүстік Қазақстан облыстарында мұндай бірде-бір құқық бұзушылық тіркелмеген.
Биыл сегіз айдың қорытындысы бойынша, жануарларға қатыгездік жасауға байланысты құқық бұзушылықтар салдарынан келтірілген материалдық шығынның белгіленген мөлшері бір жыл бұрынғы 50 мың теңгенің орнына 110 мың теңгені құрады. Жылдық өсім 2,2 есе.
Осы қылмыстан зардап шеккендер саны бір жыл бұрын 19 адам болса, биыл 33 адам. Оның ішінде 21–29 жас аралығындағы 3 адам, 30–39 жас аралығындағы 12 адам, 40–49 жас аралығындағы 10 адам, 50–59 жас аралығындағы 5 адам, 60 жастан асқан 3 адам бар.
«Жануарларға қатыгездік жасау» бабы бойынша құқық бұзушылықпен 8 адам ұсталды, олардың барлығы жұмыссыздар.
