Былтыр қаңтар–желтоқсанда ҚР-да спорт саласында негізгі капиталға салынған инвестиция 7,4 млрд теңгені құрады, бұл бір жыл бұрынғыдан ақшалай 1,7% көп.
Ең көп қаражат спорт нысандарын пайдалануға жұмсалды: 4,6 млрд теңге, бір жылдағы өсім 9,2%. Фитнес клубы қызметіне күрделі салым 1,6 млрд теңгені (39% азайған), спорт клубы қызметіне 669,6 млн теңгені (2,1 есеге көбейген) құрады.
Өңірлер бойынша Астана көшбасшы болды: 3,1 млрд теңге, бір жылда 17,8% көбейген. Одан кейін Алматы (2,2 млрд теңге, бір жыл бұрын 576,8 млн теңге болған) және Қостанай (546,3 млн теңге, 13,6% көбейген) облыстары.
2023 жылдың қаңтар–қыркүйегі қорытындысы бойынша, қазақстандық компаниялар спорт саласында 166,3 млрд теңгенің қызметін көрсетті, бұл бір жыл бұрынғыдан 30,1% көп. Оның ішінде ауылдарда сала бойынша қызмет көрсету көлемі 10,1 млрд теңгені құрады.
Соның ішінде спорт нысандарын пайдалану саласындағы қызмет бір жылда 16% өсіп, 26 млрд теңгеге, спорт клубы қызметі — 16,4%, 27,4 млрд теңгеге көбейсе, фитнес клуб қызметі 12,7%, 26 млрд теңгеге дейін төмендеді.
Халыққа 30,6 млрд теңгенің, оның ішінде ауылдық жерлерде 451,3 млн теңгенің қызметі көрсетілді.
Өңірлер бойынша спорт саласындағы қызметтің ең көп көлемі Астанаға тиесілі: 41,8 млрд теңге — бір жыл бұрынғыдан ақшалай 28,4% көп. Алматы (41,6 млрд теңге), Қарағанды облысы (11,1 млрд теңге) және Шымкентті (9,8 млрд теңге) де спортсүйер өңірлер деп атауға болады.
Спорт саласында ең аз қызмет Ұлытау, Абай және Қостанай облыстарында көрсетілген.
Қазақстанда спорт басқармаларының қызметі қаржыны ұрлау немесе мақсатсыз жұмсау фактілері бойынша тексеріледі, деп хабарлайды Хабар24. Бұған дейін қадағалау органдары ArtSport бағдарламасын жүзеге асыру барысында жосықсыз кәсіпкерлер тарапынан ауқымды заң бұзушылықтарды анықтаған. Келтірілген шығын ондаған миллион теңгені құрайды.
