Биылғы жылдың бірінші тоқсанында экономиканың бақыланбайтын секторын есепке алмағанда компьютерлік бағдарламалау, консультациялық және басқа да ілеспе көрсетілетін қызметтер көлемі рекордтық 139,6 млрд теңгені құрады, бұл өткен жылдың сәйкес кезеңіндегі көрсеткіштен бірден 42,2% артық. Салада қызмет көрсету көлемінің өсуі тоғызыншы жыл қатарынан жалғасуда.
Көрсетілген қызмет көлемінің жартысынан астамы тек Алматы қаласына тиесілі: 75,8 млрд теңге, 2021 жылдың бірінші тоқсанымен салыстырғанда бірден 2,3 есе көп. Одан кейін 51,5 млрд теңгенің қызметін көрсеткен елорда тұр, бұл бір жыл бұрынғыдан 7,9% аз. Компьютерлік бағдарламалау, консультациялық және басқа ілеспе көрсетілетін қызметтердің айтарлықтай көлемі Қарағанды (2,7 млрд теңге) және Атырау (1,8 млрд теңге) облыстарына тиесілі.
Саладағы қызмет көрсету құрылымында ең үлкен көлем тікелей бағдарламалық қамтамасыз етуді әзірлеуге тиесілі: 58,5 млрд теңге, бір жыл бұрынғыдан 12,6% көп. Одан әрі мемлекеттік электрондық ақпараттық ресурстар мен жүйелерді қалыптастыру және дамыту аясында ақпараттық-коммуникациялық инфрақұрылымды басқару жөніндегі қызмет: 11,6 млрд теңге, 2021 жылдың бірінші тоқсанымен салыстырғанда 11,3% артық. Тағы 8,2 млрд теңге бағдарламалық қамтамасыз етуді сүйемелдеу болды.
2022 жылдың бірінші тоқсанында компьютерлік бағдарламалау, консультациялық және басқа ілеспе көрсетілетін қызметтер саласындағы ауылдық елді мекендер үлесі 235 млн теңгені құрады, бұл өткен жылдың сәйкес кезеңімен салыстырғанда 2 есеге аз. Ауылдық жерлерде қызмет көрсету үлесі бір жылда 0,5%-дан 0,2%-ға дейін төмендеді.
