Ағымдағы жылдың бірінші тоқсанының қорытындысы бойынша елімізде өткен жылғы 114 балалар лагерінің орнына 111 балалар лагері жұмыс істеді. Жылдық қысқарту 2,6% құрады. Балалар лагерлерінің көпшілігі (61) мемлекеттік. Тағы 48 лагерь — жеке және 2 — шетелдік.
Лагерьлердің басым бөлігі Шығыс Қазақстан облысында орналасқан —20 нысан. Одан әрі Ақмола және Солтүстік Қазақстан облыстары — тиісінше 14 және 12 лагерь. Ең аз лагерьлер Алматыда орналасқан — небәрі 1. Сонымен қатар, екі өңірде — Атырау облысы мен Нұр-Сұлтанда мұндай балалар нысандары мүлде жоқ.
Ағымдағы жылдың бірінші тоқсанының қорытындысы бойынша балалар лагерлеріне келушілер саны бірден 73,1 есеге — 1,6 мың адамға дейін өсті. Осындай айтарлықтай «ковидтен кейінгі» өсімге қарамастан, ағымдағы жылдың көрсеткіші «ковидке дейінгі» жыл көрсеткіштерінен төмен. Салыстыру үшін: 2014 жылы балалар лагерлеріне 4,2 мың адам, 2017 жылы — 7,6 мың адам, 2018 жылы — 9,8 мың адам, 2020 жылы — 6 мың адам келді.
Айта кетейік: 2021 жылы қатаң «пандемиялық» шектеулер кезінде дәл осындай кезеңде балалар лагерлерінде 22 адам ғана демалды, тек Ақтөбе облысында ғана.
Ағымдағы жылы карантиндік шаралар жеңілдегеннен кейін балаларды бес облыстың лагерлері қарсы алды. Ақмола, Ақтөбе және Павлодар облыстары көш бастап тұр, одан кейінгі орында Шығыс Қазақстан және Қызылорда облыстары.
Қазіргі уақытта, жазғы демалыстың бірінші маусымында миллионнан астам қазақстандық оқушы сауықтыру лагерлерінде демалады. Олар үшін қала сыртындағы, мектеп жанындағы, киіз үй және шатырлы лагерьлер жұмыс істейді, деп хабарлайды ҚР БҒМ. Балалар үшін сауықтыру, білім беру, экологиялық, шығармашылық, спорттық, көшбасшылық бағдарламалар әзірленді.
Алайда, қазір ҚР-да COVID-19 вирусын жұқтыру қайта өсуде және өңірлер «сары» аймаққа көшкен жағдайда шектеулер күшейтілуі мүмкін, деп хабарлайды Primeminister.kz. Өз кезегінде, Еуропада коронавирустық инфекциялар саны үш есе өсті, ал ДДСҰ жазда Еуропа елдерінде COVID-19-ның одан әрі таралуын болжайды. Сондықтан балалар лагерлерінің және жалпы жазғы демалыстың болашағы күмән тудырады.
