Биыл қаңтарда елімізде өрт қауіпсіздігіне байланысты 2 мың әкімшілік құқық бұзушылық тіркелді, бұл 2023 жылдың қаңтарымен салыстырғанда бірден 45% көп.
Олардың басым бөлігі өрт қауіпсіздігі талаптарын бұзу немесе сақтамау болды: жалпы көрсеткіштің 88,1%-ы немесе 1,8 мың дерек — бір жыл бұрынғыдан 46% артық.
Мұндай құқық бұзушылықтың тағы бір кең тараған түрі көліктегі өрт қауіпсіздігі ережелерін бұзу: 200 дерек, бір жылда 29% көбейген. Сонымен қатар, алдықтарды жинап қою немесе жағу кезiнде атмосфералық ауаны қорғау және өрт қауiпсiздiгi жөнiндегi талаптарды сақтамаудың 19 дерегі, су шаруашылығы құрылыстарын, құрылғыларын және сумен жабдықтаудың өртке қарсы жүйелерiн бүлдіру, оларды пайдалану қағидаларын бұзудың 12 дерегі, ормандарда өрт қауiпсiздiгi талаптары мен санитариялық қағидаларды бұзудың 8 дерегі және өрт қауіпсіздігі саласында аудит жүргізу кезінде Қазақстан Республикасының заңнамасын бұзудың 3 дерегі анықталды.
Әкімшілік құқық бұзушылықтардан бөлек, биыл қаңтарда өрт қауіпсіздігі талаптарын бұзуға байланысты 27 қылмыстық құқық бұзушылық тіркелсе, 2023 жылғы қаңтарда 37 қылмыс тіркелді. Жылдық төмендеу 27%.
Жылдың бірінші айында мұндай құқық бұзушылықтар ҚР-ның 20 өңірінің 14-де (бір жыл бұрын — 16-да) тіркелген. Көбінесе өрт қауіпсіздігі талаптарын бұзуға байланысты қылмыстық құқық бұзушылықтар Ақмола, Шығыс Қазақстан, Солтүстік Қазақстан, Қарағанды және Түркістан облыстарында тіркелген.
Жыл жаңа ғана басталғанына қарамастан, ҚР-ның барлық жерінде өрт болып жатыр. Мысалы, Семейдегі «Ақшын» сауда орталығы өртенді, Алматы маңында пластик өнімдер қоймасы өртенді, Алматы базарлары бірнеше рет өртенді, мысалы, «Арлан» базары, т. б.
Қаңтар айында 39 адам өрт қауіпсіздігі талаптарын бұзуға байланысты қылмыстық құқық бұзушылықтардың құрбаны болды, бұл бір жыл бұрынғыдан 14,7% артық. Оның ішінде 1 студент, 1 ерекше қажеттіліктері бар адам және 3 зейнеткер болды.
Жас топтары бойынша мұндай құқық бұзушылықтардан зардап шеккендердің арасында 16-17 жас аралығындағы 1 адам, 18–20 жас аралығындағы 3 адам, 21–29 жас аралығындағы 3 адам, 30–39 жас аралығындағы 11 адам, 40–49 жас аралығындағы 5 адам болған, 50–59 жас аралығындағы 10 адам және 60 жас және одан жоғары 6 адам болған.
Барлық зардап шеккендердің 34-і ҚР азаматы, 2 адам ТМД елдерінің азаматы, 2 адам басқа елдердің азаматы.
