Интернет арқылы қызметтерді сату көлемі 2021 жылы 349,9 млрд тг құрады, бұл 2020 жылмен салыстырғанда 67,3%-ға артық.
Бұл ретте тапсырыстар саны шамамен үш есеге, 28,8 млн-нан 85 млн-ға дейін өсті, бұл бір тапсырыстың орташа чегін 7,3 мың теңгеден 4,1 мың теңгеге дейін азайтты.
Қызметтердің түрлері бойынша интернет арқылы тапсырыстардың ең елеулі көлемі жарнама саласындағы қызметтерге тиесілі — 30,4 млрд тг, бұл 2020 жылға қарағанда бірден 6,2 есе көп.
Одан кейін демалыс, ойын-сауық, мәдениет және спорт саласындағы билеттерді сату — 28,5 млрд тг, өсім — жылына бірден 8,1 есе.
Сондай-ақ, қызметтердің едәуір көлемі көлік билеттерін сату саласына (20,1 млрд тг, 2020 жылға қарағанда 2 есе аз) және брондау мен орналастыру орындарының қызметтерін төлеуге (15,6 млрд тг, өсім — жылына 46,4%) тиесілі болды.
2021 жылы тапсырыспен тамақ жеткізу бойынша қызметтерге 3,1 млрд тг тиесілі, бұл 2020 жылға қарағанда 28,5%-ға артық.
ҚР өңірлері арасында интернет арқылы қызметтерді сатудың елеулі көлемі Алматыда ғана болды: 277,1 млрд тг, оның ішінде электрондық төлем жүйелері арқылы төленген қызметтердің үлесіне* 68,6% тиесілі болды. Бұл 62,3% деңгейінде қалыптасқан орташа республикалық мәннен жоғары.
Одан кейінгі орында едәуір алшақтықпен Нұр-Сұлтан: мұнда қызметтер көлемі 50,9 млрд тг құрады, бұл ретте электрондық төлем жүйелері арқылы төлеуге осы қаражаттың жартысынан азы тиесілі болды.
ҚР басқа өңірлерінде интернет арқылы қызметтерді сату көлемі Қызылорда облысында 4,7 млн тг-ден Шымкентте 5,4 млрд тг-ге дейін өзгеріп отырады. Ресми деректерге сәйкес, Қызылорда облысында электрондық төлем жүйелері арқылы төленген қызметтер үлесіне өңір бойынша жиынтық көлемнің 100%-ы, ал Шымкентте — тек 0,1%-ы ғана тиесілі.
* Электрондық төлемдер дегеніміз қолма-қол ақшасыз — банк карталары, шоттар; электрондық ақша, ұялы телефондар, төлем терминалдары арқылы жасалған төлемдер.
