2023 жылдың қаңтар–қазан аралығында Қазақстанда 713 отбасылық-тұрмыстық қылмыстық құқық бұзушылық тіркелді, бұл былтырғыдан 4,9% аз.
Салыстыру үшін: 2022 жылдың осы кезеңінде осындай 750 құқық бұзушылық тіркелді, бір жыл ішінде көрсеткіш 7,3% азайған.
Өңірлер бойынша отбасылық-тұрмыстық қылмыстық құқық бұзушылық ең көп Алматы облысында жасалған: 64 іс — былтырғыдан 20% аз.
Павлодар облысы екінші орында: 63 іс. Шығыс Қазақстан облысы үшінші орында: былтыр 94 іс болса, биыл 56 іс. Жылдық төмендеу 40,4%.
Мұндай құқық бұзушылықтар ең аз Ақтөбе (17 іс), Маңғыстау және Қызылорда (әрқайсысында 18 іс) облыстарында тіркелді.
Еліміздің 20 өңірінің 10-да отбасылық-тұрмыстық қылмыстық құқық бұзушылықтың азайғаны байқалады.
Биыл қаңтар–қазан қорытындысы бойынша, барлық отбасылық-тұрмыстық қылмыстық құқық бұзушылықтардың 36,6%-ы денсаулыққа қасақана ауыр зиян келтіруге қатысты болды. Жалпы осындай 261 құқық бұзушылық тіркелді, бұл былтырғыдан 11,8% көп.
Денсаулыққа қасақана ауырлығы орташа зиян келтіру де айтарлықтай үлеске ие: 255 құқық бұзушылық.
Сонымен қатар, жиі кездесетін отбасылық-тұрмыстық қылмыстық құқық бұзушылықтардың ішінде адам өлтіру (85 құқық бұзушылық), қажетті қорғаныс шегінен шығу кезінде денсаулыққа ауыр зиян келтіру (14 құқық бұзушылық), сондай-ақ өлтіруге дайындалу және оқталу (13 құқық бұзушылық) болды.
