Денсаулық сақтау саласындағы қызмет көлемі 16% көбейді

Фото: https://www.shutterstock.com/

15 просмотров

2023 жылдың үшінші тоқсанында ҚР-дағы денсаулық сақтау қызметі 737,9 млрд теңгеге жетті, бұл былтырғыдан 16% артық. Қызметтің басым бөлігі бюджет қаражаты есебінен көрсетілді: 541,9 млрд теңге, бір жылда 15,8% көбейген. Халықтың қаражатынан 127,9 млрд теңгенің (25,9% көбейген), кәсіпорындар есебінен 68,1 млрд теңгенің (2,5% көбейген) қызметі көрсетілді.

Салыстыру үшін: былтыр сәйкес кезеңде сектордағы қызмет көлемі 636 млрд теңге болған — бұл бір жыл бұрынғымен шамалас (бір жылда 0,1% азайған).

Денсаулық сақтау саласындағы қызмет көлемі 16% көбейді

Түрлері бойынша аурухана ең көп қызмет көрсетті: 370,8 млрд теңге — былтырғыдан 16,8% артық. Оның ішінде аурухананың хирургиялық бөлімшелері — 71,5 млрд теңгеге, гинекологиялық бөлімшелер — 33,6 млрд теңгеге, оңалту орталықтары — 23,4 млрд теңгеге, психиатриялық ауруханалар — 13,2 млрд теңгеге қызмет көрсетті.

Жалпы дәрігерлік практика қызметі 167,1 млрд теңгеге жетті, бұл былтырғыдан 19,1% артық. Мамандандырылған дәрігерлік практика қызметі 2,9% көбейіп 49 млрд теңге, стоматология қызметі 19,1% көбейіп 38,2 млрд теңге болды.

Денсаулық сақтау саласындағы қызмет көлемі 16% көбейді

Өңірлер бойынша ең көп денсаулық сақтау қызметі халқы тығыз орналасқан оңтүстік астанада көрсетілген: 138,6 млрд теңге — былтырғыдан 0,8% аз.

Қызмет көрсету көлемі бойынша екінші орында Астана (117,2 млрд теңге, 19,6% көбейген) және Қарағанды ​​облысы (43,4 млрд теңге, 16,2% көбейген). Ең аз Ұлытау (6,5 млрд теңге), Жетісу (16,9 млрд теңге) және Абай (18,1 млрд теңге) облыстарында көрсетілген.

Елімізде қазір қашықтан медициналық қызметті дамыту бойынша жүйелі шаралар қабылдануда, деп хабарлайды inbusiness.kz. Бірнеше отандық цифрлық шешімдер енгізілуде. Жалпы, 2023 жылдың 9 айында халыққа телемедициналық консультацияларды қоса алғанда, 687 мыңнан астам қашықтан медициналық қызмет көрсетілді.

Денсаулық сақтау саласындағы қызмет көлемі 16% көбейді