Биыл қаңтар–қыркүйекте Қазақстанға 19,1 мың адам келді, бұл 2022 жылғы қаңтар–қыркүйекпен салыстырғанда бірден 74% көп.
Бұл ретте елден 12,7 мың тұрғын кеткен, бұл өбылтырғы сәйкес кезеңмен салыстырғанда 37,4% аз.
Көші-қон сальдосы оң: 6,4 мың адам.
Өңірлер бойынша ең көп Алматы қаласына көшіп келді: 4,5 мың адам, бір жылда 2,2 есе өскен. Одан кейін Маңғыстау облысы (2,9 мың адам, 21,7% көбейген) және Астана (1,6 мың адам, 2,1 есе көбейген). Ең аз Қызылорда облысына көшіп келді, жыл басынан бері бар болғаны 19 адам келген болса, бір жыл бұрын көрсеткіш 12 адам болған.
Ең көп адам Қостанай облысынан кеткен: 1,8 мың адам — бір жыл бұрынғыдан 25,8% аз. Одан кейін Қарағанды (1,5 мың адам, 42,1% азайған) және Павлодар (1,2 мың адам, 48,6% азайған) облыстары Ең аз адам Қызылорда облысынан кеткен: бар болғаны 55 адам, бір жылда 31% көбейген.
15 жастан асқан еңбекке жарамды халықтың ішінде биыл ҚР-ға техникалық мамандық бойынша 2,8 мың адам, экономикалық мамандық бойынша 1,5 мың адам, педагогикалық мамандық бойынша 750 адам, медициналық мамандық бойынша 446 адам, заңгер мамандығы бойынша 421 адам, сәулет-құрылыс мамандығы бойынша 296 адам, ауыл шаруашылығы мамандығы бойынша 133 адам келді.
Бұл ретте елімізден техникалық мамандық бойынша 1,8 мың адам, экономикалық мамандық бойынша 871 адам, педагогикалық мамандық бойынша 638 адам, медициналық мамандық бойынша 339 адам, заңгер мамандығы бойынша 199 адам, сәулет-құрылыс мамандығы бойынша 123 адам, ауыл шаруашылығы мамандығы бойынша 125 адам кеткен.
Биыл ҚР-ға келгендердің жартысына жуығы (48,9%) Ресейден: 9,4 мың адам — былтырғыдан бірден 3,2 есе көп. Екінші және үшінші орындарда Өзбекстан мен Түрікменстан. Одан кейін Қырғызстан мен Қытайдан да көп келді.
ҚР-дан кеткендер ең көп Ресейге кетті: 9,4 мың адам — былтырғыдан 43,4% аз. Одан кейін Германия, АҚШ, Польша және Беларусь.
