Биыл бірінші тоқсанда елімізге 7,7 мың адам келген, бұл бір жыл бұрынғыдан 87% артық. Қалаларға келгендердің саны 2,2 есе, 5,5 мың адамға дейін, ауылдарға — 33,3%, 2,2 мың адамға дейін өсті.
Бұл ретте 2,7 мың адам елден кетті — бір жыл бұрынғыдан бірден 49,6% аз. Елден кеткендер санының азаюы төртінші жыл қатарынан байқалып отыр. Биыл қазақ қалаларынан 2 мың адам (53,6% азайған), ауылдан 620 адам (29% азайған) кетті.
Осылайша, көші-қон сальдосы көп жылдардан бері алғаш рет оң көрсеткіште: плюс 5 мың адам. Бұған дейін оң көрсетекіш соңғы рет 2014 жылдың бірінші тоқсанында (789 адам) байқалған болатын.
Өңірлер бойынша кеткендердің басым бөлігі Қостанай облысынан кетті: 488 адам, бір жылда 24,3% азайған. Одан кейін Қарағанды (263 адам, 61,4% азайған) және Солтүстік Қазақстан (253 адам, 39,9% азайған) облыстары.
Ең аз Қызылорда облысынан кеткен: жылдың бірінші тоқсанында — 6 адам, бір жыл бұрын 1 адам болған.
Бұл ретте Маңғыстау облысына ең көп адам келді: 1,5 мың адам — бір жыл бұрынғыдан 10,6% көп. Үздік үштікке сондай-ақ Алматы қаласы (1,4 мың адам, жылдық өсім — 2,3 есе) және Алматы облысы (791 адам, жылдық өсім — 2 есе) келді.
Келгендердің ең аз саны тағы Қызылорда облысында болды: бір жыл бұрын 1 адам болса, биыл 4 адам.
Мамандықтар бойынша 15 жастан асқан иммигранттар арасында ең көп техникалық мамандар болды: 1,4 мың адам — былтырғы сәйкес кезеңмен салыстырғанда 4,2 есе көп. Бұл ретте мұндай 443 маман кетті, бұл бір жыл бұрынғыдан 55,7% аз. Техникалық мамандықтар бойынша келген және кеткен жұмысшылардың айырмашылығы 3,3 есе.
Сондай-ақ елімізге 577 экономист, 288 мұғалім, 191 дәрігер, 181 заңгер, 128 сәулетші, 40 ауыл шаруашылығы маманы келді. Бұл ретте елден 188 экономист, 132 мұғалім, 71 дәрігер, 51 заңгер, 19 сәулетші, 33 ауыл шаруашылығы маманы кеткен.
Қазақстаннан эмигранттардың басым бөлігі ТМД елдеріне, ең алдымен Ресейге кеткен: 1,7 мың адам, бір жыл бұрын 4,1 мың адам болған. Бір жылда 2,4 есе азайған. Өзбекстанға (37 адам, 14% азайған) және Беларуське (34 адам, 40,4% азайған).
Сонымен қатар, ең көп келушілер де Ресейден: 3,9 мың адам, бір жыл бұрын 810 болған. Одан кейін Өзбекстан (1,9 мың адам) және Түрікменстан (362 адам) бар.
Басқа елдердің ішінде кеткендердің көпшілігі Германияға (501 адам), Польшаға (128 адам) және АҚШ-қа (64 адам) кеткен. Бұл ретте ең көп адам Моңғолиядан (181 адам), Қытайдан (98 адам) және Түркиядан (88 адам) келген.
