Қауіпсіз сезіну. Қазан-қараша 2022
ҚР СЖРА ҰСБ 2022 жылғы қазан-қарашада жүргізген «Құқық қорғау органдарына халықтың сенімінің деңгейі» сауалнамасына сәйкес, 2021 жылғы қараша-желтоқсанмен салыстырғанда құқық қорғау органдары көшелерді патрульдеуді азайтқан.
Тұрғылықты жеріндегі көшелерді күніне кемінде бір рет патрульдеу жүргізілетінін айтқан респонденттердің үлесі бір жылда 28,3%-дан 25,4%-ға азайды. Патрульдеу жиілігі аптасына кемінде бір рет болатынын айтқан респонденттердің үлесі де төмендеді: 31,9%-дан 29,8%-ға дейін. Көшелері айына бір рет патрульденетінін айтқандар саны көбейді (14%-дан 17,1%-ға). Айына бір реттен сирек патрульденетінін айтқандар саны да артты (15,7%-дан 15,9%-ға дейін), сондай-ақ патрульдерді мүлде байқамағандар үлесі де ұлғайды (2,8%-дан 3,4%).
2022 жылдың қазан-қараша айларында респонденттердің 58,6%-ы тұрғылықты жерінде көшеде жалғыз жүріп, өзін толық қауіпсіз сезінген, одан алты айдан сәл астам уақыт бұрын олардың үлесі 58,3% болды, бірақ 2021 жылдың қараша-желтоқсанында бұл көрсеткіщ 58,8% болды.
Респонденттердің 41,3%-ы түнгі уақытта өздерін толық қауіпсіз сезінген, алты айдан аз уақыт бұрын бұл көрсеткіш 42,2%, бір жыл бұрын 43,7% болды.
Айта кетерлігі, респонденттердің 37,8%-ы өздерін жеткілікті түрде қауіпсіз сезінсе, 2,5%-ы өзін қауіпсіз сезінбейді, 0,6%-ы мүлде қауіпсіз сезінбейді, тағы 0,6% жауап беруге қиналады.
Жынысы бойынша, тұрғылықты жеріндегі көшеде жалғыз жүруді қауіпсіз сезінетін ерлердің үлесі әйелдердің үлесінен айтарлықтай жоғары: тиісінше 63,4% және 54,2%. Түнде бұл айырмашылық бұдан да жоғары: ерлердің 49%-ы, әйелдердің 34,2%-ы ғана қауіпсіз сезінеді.
Ұлты бойынша өзін толық қауіпсіз сезінетін респонденттердің ең көп үлесі ұйғырлар: 64,8%, бір жыл бұрын 56,4% болған. Одан кейін қазақтар: 60,9%, бір жыл бұрынғыдан аз (62,9%). Одан кейін украиндар 55,3%, орыстар 53,4%, өзбектер 48,1% және басқа ұлт өкілдері 55%.
Респонденттердің ішіндегі өзбектердің 48,4%-ы, орыстардың 41,6%-ы, украиндардың 40,2%-ы, қазақтардың 35,9%-ы, ұйғырлардың 32,8%-ы және өзге ұлт өкілдерінің 41,2%-ы өздерін жеткілікті қауіпсіз сезінеді.
Бұл ретте сауалнамаға қатысқан ұйғырлардың 1%-ы, өзбектердің 0,9%-ы, орыстар мен қазақтардың 0,6%-ы, украиндардың 0,2%-ы және өзге ұлт өкілдерінің 0,4%-ы өздерін мүлдем қауіпсіз сезінбеген.
Бір қызығы: бұрын некеде болмаған респонденттер өзін толық қауіпсіз сезінеді (61,7%), ал некеде тұрғандар арасында мұндай респонденттер аз (59,4%). Ажырасқандар арасында олар 53,5%, ал жесірлер мен әйелі қайтыс болғандар арасында одан да аз (49,3%).
