Биыл қаңтар–қыркүйекте құмар ойындар мен бәс тігулерді ұйымдастыру қызметінің көлемі 285,1 млрд теңгені құрады, бұл 2022 жылдың қаңтар–қыркүйегімен салыстырғанда ақшалай түрде бірден 37,5% аз (ФКИ — бар болғаны 53,9%, бұл нақты мәнде бір жылда 46,1% қысқарғанын көрсетеді).
Саладағы қызметтің басым бөлігін шағын кәсіпорындар (179,3 млрд теңге), одан кейін орта (83,7 млрд теңге) және ірі (22,1 млрд теңге) кәсіпорындар көрсетті. Меншік нысаны бойынша қызметтердің басым бөлігін шетелдік компаниялар көрсеткен: 186,8 млрд теңге. Қалған 98,2 млрд теңге қазақстандық жеке кәсіпорындардан түскен.
Салыстыру үшін: былтыр осы кезеңде құмар ойындар мен бәс тігулерді ұйымдастыру қызметінің көлемі 456,2 млрд теңгеге жетіп, бір жылда 8,5 есе өскен.
Өңірлер бойынша қолданыстағы заңдарды ескере отырып, құмар ойындар мен бәс тігулерді ұйымдастыру қызметі негізінен екі өңірге тиесілі болды.
Саладағы барлық қызметтердің 87,1%-ы Алматы облысында көрсетілген: 248,5 млрд теңге — былтырғыдан ақшалай 42,3% аз. Тағы 12,8%-ы Ақмола облысына тиесілі: 36,6 млрд теңге, бір жылда 44% көбейген.
Барлық қалған өңірлерде көрсетілген қызмет 0,02% ғана.
Биыл қаңтар–шілде қорытындысы бойынша құмар ойындар мен бәс тігулерді ұйымдастыру секторында негізгі капиталға салынған инвестиция небәрі 386,5 млн теңгені құрады. Алайда, бұл былтырғыдан 33,2% көп.
Оның 381 млн теңгесі Алматы облысына, 5,4 млн теңгесі ғана Ақмола облысына тиесілі.
Қазақстанда 350 мың адам құмар ойынға тәуелділіктен зардап шегеді, деп хабарлайды Хабар24. Бұл көрсеткішті мәжіліс депутаттары мәлімдеді. Құмар ойындарға тәуелділердің жыл сайын көбейіп келеді. Мамандардың айтуынша, алғашқы бәс тігулер мектептен басталады. Барлығы онлайн режимінде қолжетімді.
Елдегі құмар ойындарға тәуелділікпен күресу үшін заңнаманы қатайту жоспарланған, бірақ бұл онлайн-казинолармен күресуге көмектесе ме және елде бар бірнеше бақыланатын казинолар сұр аймаққа ығыстырыла ма, белгісіз.
