ҚР СЖРА Ұлттық статистика бюросы (ҰСБ) 2023 жылғы қазан-қарашада республикадағы 18 мың үй шаруашылығы арасында жүргізген «Халықтың құқық қорғау органдарына және сот жүйесіне сенімінің деңгейі» сауалнамасына сәйкес, сыбайлас жемқорлыққа қарсы қызметке сенім былтыр айтарлықтай өсті. Сауалнама барысында респонденттердің 51,1%-ы сыбайлас жемқорлыққа қарсы қызметке толық сенім артатынын айтты (салыстыру үшін: 2023 жылғы сәуір-мамырда бұл көрсеткіш 43,4%-ды құрады). Бұл қызметке ішінара сенетін респонденттердің үлесі 32,6%-дан 31,1%-ға, ал сыбайлас жемқорлыққа қарсы қызметке толық сенбейтіндердің үлесі 5,5%-дан 3,9%-ға төмендеді.
Сыбайлас жемқорлыққа қарсы қызметке сенетіндердің үлесі гендерлік жағынан шамалас: ерлер арасында 51,2%, әйелдер арасында 51,1%. Сонымен қатар, сыбайлас жемқорлыққа қарсы қызметке сенбейтін ер адамдар әйелдерге қарағанда көбірек: тиісінше 4,5% және 3,5%.
Жасы бойынша сыбайлас жемқорлыққа қарсы қызметке ең жоғары сенім 15 пен 19 жас және 20 мен 24 жас аралығындағы жастар: респонденттердің тиісінше 58,4% және 57,9%-ы. Бұл қызметке толық сенім артқандар 60 пен 80 жас аралығындағы азаматтар арасында ең аз: 43,2%.
Сыбайлас жемқорлыққа қарсы қызметке мүлде сенбейтіндердің ең көп үлесі 60 пен 80 жас аралығындағы азаматтар арасында: 5,3%. Одан кейін 30 бен 34 жас аралығындағы респонденттер: 4,6%. Бірақ сенімсіздіктің ең төменгі деңгейі 20 мен 24 жас аралығындағы азаматтар арасында байқалды: бар болғаны 1,9%.
Сыбайлас жемқорлыққа қарсы қызметке сенімсіздік себептері арасында респонденттердің оны ешқашан кездестірмеуі басым болды: бұл нұсқаны көрсеткендердің үлесі 39,6%.
Тағы 24,5%-ы бұл қызметтің өзін жемқор деп санайды. Респонденттердің 19,4%-ы сенімсіздіктің себебі ретінде БАҚ ақпаратын, ал сыбайлас жемқорлыққа қарсы жүйенің жабықтығы мен транспарент еместігін 19,1%-ы көрсетті.
Сонымен қатар, респонденттердің 2,4%-ы бұл құрылыммен бұрыннан кездесіп, оң нәтиже алмағанын атап өтті.
