Тұтыну несиесін қайдан алған тиімді? Қазақстандық банктердің ұсыныстарына шолу

Фото: https://www.shutterstock.com/

Қазақстандықтар арасында ең танымал несие өнімдерінің бірі — кепілсіз және қаражатты пайдалану мақсатына шектеусіз тұтынушылық несиелер. Кез келген мақсатқа кепілсіз тұтынушылық несиені қазіргі уақытта ҚР-дағы 21 ЕДБ-нің 12-сі ұсынады.

Сегменттегі ЖТСМ ең төменгі мөлшерлемесін Bereke Bank ұсынады: 8,38%-дан бастап. Ескерту: биыл 8 наурыздан бастап Bereke Bank ресми түрде санкциядан шықты. Банк халыққа барлық танымал сегменттерде, соның ішінде белсенді түрде тұтынушылық несие береді.

ЖТСМ тартымды банктердің ішінде екінші орында Еуразиялық банк (12,9%-дан бастап) және ЦентрКредит банкі (14%-дан бастап) ұстанады. Бұл ретте сегменттегі орташа ЖТСМ алдыңғы үштіктің көрсеткіштерінен айтарлықтай жоғары: 23,66%-дан бастап.

Тұтыну несиесін қайдан алған тиімді? Қазақстандық банктердің ұсыныстарына шолу

Ең көп алынатын несие мерзімі — 60 ай — сегменттегі 12 ЕДБ-нің 8-і, оның ішінде Bereke Bank пен ЦентрКредит банкі. 72 айға дейін Еуразиялық банк, 84 айға дейін — Bank RBK және Банк ВТБ ұсынады.

Ең жоғары несие сомасы 8 млн теңгеге дейін Bereke Bank, Jusan Bank және Altyn Bank, 10 миллион теңгеге дейін Bank RBK және Home Credit Bank ұсынады.

Тұтыну несиесін қайдан алған тиімді? Қазақстандық банктердің ұсыныстарына шолу

Ескерту: жыл басына қарай Қазақстанда тұтыну несиелерінің жалпы көлемі 7,7 трлн теңгеге жетті, бұл бір жыл бұрынғы көрсеткіштен 25,2% артық.

Айтарлықтай өсімге қарамастан, сегменттегі өсу қарқыны төмендеді: мысалы, 2021 жылы тұтынушылық несие портфелі 40%, 2020 жылы 32,3% өскен еді.