Биылғы жылдың күзіне қарай қазақстандық банктердегі депозиттер бір айда 1,9% өсіп, 28,25 трлн теңгеге жетті. Жылдық өсім 15,3% болды.
Депозит көлемі бойыша үздік он банктеің ішінде депозиттің ай сайынғы өсімінен ең алда Bank RBK: бірден 10,7% көбейіп, 1,13 трлн теңгеге жетті. Жылдық динамикада депозиттік портфелі бірден бір жарым есе өсті. Бұл сектордағы маңызды көрсеткіштердің бірі. Bank RBK депозиттік портфелінің ай сайынғы өсімі негізінен корпоративтік секторға тиесілі, көрсеткіш тамызда 19,7% көбейіп, 744,2 млрд теңгеге жетті. Ал бір жылда бірден 60,1% ұлғайды. Бизнес депозиттері банк портфелінің шамамен үштен екі бөлігін алады.
Қалған үштен бірін жеке тұлғалардың салымдары құрайды — 386 млрд теңге (бұл сегментте өсім бір жылда 30,9% болды). Банктің халық арасында сұранысқа ие өнімдерінің ішінде ұлттық валютадағы 15%-ға дейін жоғарылатылған ЖТСМ пайыздық мөлшерлемесі бар сейфті депозитті атап өтуге болады. Депозит иелері үшін дебеттік төлем картасы жылдық қызмет көрсету комиссиясынсыз тегін беріледі.
Айлық өсім бойынша екінші орында ЦентрКредит Банкі. Бір айда депозит көлемі 5% өсіп, 2,38 трлн теңгеге жетті. Жылдық өсім 89%. Банк портфелінде тепе-теңдік бар. Атап айтқанда 49,3%-ы бизнес депозиттері, 50,7%-ы халықтың депозиті, бұл тиісінше 1,17 трлн теңге және 1,21 трлн теңге. Банктің депозиттік портфелі екі сегментте де тұрақты өсуде.
Еуразиялық Банк айлық өсім бойынша үшінші орында. Тамызда депозит 2% өсіп, 1,5 трлн теңгеге жетті. Бір жыл ішінде банктің депозиттік портфелі 36,9% өсті. Банктің заңды тұлғалардың депозиттері портфелдің 57,4%-ын (861,2 млрд теңге), жеке тұлғалардың депозиттері 42,6%-ын (640,4 млрд теңге) құрайды.
Депозит ұстаушы банктердің ондығына тек 5 екінші деңгейлі банк тамызда өсім көрсетті. Соның ішінде үшеуінің ғана көрсеткіші айтарлықтай өсті. Тұтастай алғанда сектордағы өсімді Қазақстанда жұмыс істейтін 22 банктің 11 ЕДБ көрсетті.
Ескерту: «Бәйтерек» ұлттық басқарушы холдингі биыл тамыз айында сатып алған және Bereke Bank деп атауын өзгерткен Сбербанктің бұрынғы ресейлік еншілес ұйымы алғашқы ондыққа кірмеді және оның қызметін есепке алмадық.
Жалпы, қазақстандық банктердегі бизнес депозиттерінің жиынтық портфелі бір айда 2,8%, бір жылда 16,4% өсіп, биыл 1 қыркүйекте 14,03 трлн теңгеге жетті. Бұл ҚР ЕДБ барлық депозиттерінің 49,7%-ын құрайды.
Өз кезегінде халықтың депозиттері бір айда 1%, бір жылда 14,2% өсіп, 14,22 трлн теңгені құрады. Бұл жалпы портфельдің 50,3%-ын құрайды.
Депозиттік портфелдегі бөлшек және корпоративтік сектордың тепе-теңдігі 2018 жылдан бері байқалуда.
