Биылғы жылдың қаңтар–шілде айларының қорытындысы бойынша, елімізде 3,4 мың көліктегі қылмыстық құқық бұзушылық тіркелді, бұл бір жыл бұрынғыдан 3,9% көп.
Салыстыру үшін: өткен жылдың сәйкес кезеңінде секторда 3,3 мың қылмыстық құқық бұзушылық тіркелген, көрсеткіш 0,3% өскен.
Өңірлер бойынша көліктегі қылмыстық құқық бұзушылықтардың басым бөлігі Алматы облысында тіркелген: 403 оқиға, былтырғыдан 6,9% артық. Одан кейін Алматы (318 жағдай, 39,5% көп) және Түркістан облысы (284 жағдай, 2,5% көп).
Мұндай қылмыстық құқық бұзушылықтардың ең азы жаңадан құрылған облыстарда — Ұлытауда (12 жағдай), Абайда (20 жағдай) және Жетісуда (26 оқиға) тіркелді.
Құқық бұзушылық санының ең көп өсімі Алматы қаласында, ең көп азаюы Шымкент қаласында (29,4%) байқалды.
Баптар бойынша құқық бұзушылықтардың 64,7%-ы жүргізушілердің жол жүру немесе көлік құралдарын пайдалану ережелерін бұзуына байланысты болды: 2,2 мың жағдай, былтырғыдан 10,2% көп.
Сондай-ақ көлік құралын құқығынан айырылған, алкогольдік немесе есірткілік масаң күйде басқаруы (868 жағдай, былтырғыдан 12,3% аз) және мас жүргізушілердің жол қозғалысы немесе көлік құралдарын пайдалану ережелерін бұзуы (202 жағдай, былтырғыдан 31,2 % көп).
