Қазақстандық банктердегі депозиттер тағы 4% өсті. Бір банк екінші ай қатарынан көш бастап тұр

Фото: https://www.shutterstock.com/

56 просмотров

ҚР ЕДБ салымы. 1 қазан 2022

Биылғы 1 қазанда қазақстандық банктердегі депозиттер бір айда 4,1% өсіп, 29,4 трлн теңгеге жетті. Жылдық өсім 17,3%-ды құрады. Жеке тұлғалардың депозиттері бір айда 3,2%, бір жылда 17% өсіп 14,68 трлн теңгені құрады (бұл ҚР ЕДБ жиынтық депозиттік портфелінің 49,9%-ын құрайды), заңды тұлғалардың депозиттері бір айда 5%, бір жылда 17,5% өсіп 14,73 трлн теңгеге жетті (бұл портфельдің 50,1%-ы).

Айлық өсім бойынша Bank RBK ең ірі ҚР ЕДБ арасында көшбасшы. Көрсеткіш бірден 11% өсіп, 1,3 трлн теңгеге жетті. Бір жылда банк портфелі 55,4% өсті, бұл сектордағы ең күшті көрсеткіштердің бірі. Қиын уақытта инвесторлар бұл қаржы институтына сөзсіз сенеді: Bank RBK бірнеше ай бойы көш бастады, дәл осындай күшті көрсеткіштер қыркүйек айының басында тіркелді.

Банк портфелінің 69,2%-ы заңды тұлғалардың салымдары (868,2 млрд теңге, бір жыл бұрынғыдан бірден 2,1 есе артық), 30,8%-ы жеке тұлғалардың депозиттері (386,5 млрд теңге, жылдық өсім — 29%). Банкте Safe жинағынан (ЖТСМ 16%-ға дейін) мерзімді Depositum-ға (ЖТСМ 15,5%-ға дейін) дейін жоғары мөлшерлемелері бар көпвалюталық бөлшек депозиттердің кең ауқымы бар, бұл бір мезгілде төрт валютада — теңгеде, АҚШ долларында, рубльде және еуро ақша жинауға мүмкіндік береді.

Бір қызығы, осы айда Bank RBK несие портфелінің өсімі бойынша да көш бастады, бұл қаржы институтының барлық сегменттердегі жоғары белсенділігін көрсетеді.

Айлық өсім бойынша екінші орында Еуразиялық банк. Банк өз портфелін жетекші Bank RBK портфелі секілді 11% көбейіп, 1,7 трлн теңгеге жетті. Жылдық өсім 48,5%-ды құрады. Бір ай бұрын банк өсу қарқыны бойынша да үздік үштікке кірген болатын. Қаржы институтының жалпы депозиттік портфелінің 58,8%-ы бизнес депозиттеріне тиесілі болса, жеке тұлғалардың депозиттері — 41,2%-ды құрайды.

Үздік үштікті бөлшек сегментте іс жүзінде жұмыс істемейтін америкалық еншілес ұйымы Ситибанк жапты: бір айда 10,2% өсіп 1,2 трлн теңге жетті. Портфельдің жылдық өсімі 31,3%-ды құрады.

Үздік ондықтың ішінде Bereke Bank-тен басқаларының көрсеткіші өсті. Ал жалпы 21 ЕДБ-нің тек 14-і ғана депозиттерін көбейте алды.