Сарапшылар мен инвестициялық банктердің болжамына қарамастан, 2023 жыл S&P 500-ге кіретін компаниялар үшін керемет 25% кірісті көрсетті. Көптеген сарапшылар айтарлықтай экономикалық рецессияны жорамалдап, табыс ары кетсе 2023 жылы 5%-10% болады деген.
Ең үлкен табыстылықты «ғажайып жетілік» саналатын Apple, Alphabet, Microsoft, Amazon, Meta, Tesla және Nvidia компаниялар қамтамасыз етті. Бұл компаниялар 2023 жылы орта есеппен 70% өсті, ал S&P 500-дің қалған бөлігі 6% ғана өсті.
Magnificent Seven компаниясына қатысы бар миллиардерлер де жеке байлығын айтарлықтай арттырды. VisualCapitalist мәліметінше, әлемдегі ең бай 50 адамның қатарында ең үлкен табыс тапқан Илон Маск болды, оның Tesla акцияларының екі есе артуы — бірден 113,5 млрд АҚШ долларға байытып, 2024 жылы 250 ,4 млрд АҚШ долларына дейін жеткізді.
Келесі орында Марк Цукерберг. Оның байлығы Meta акцияларының жылдам өсуінің арқасында 78,3 млрд АҚШ долларына өсіп, 123,6 млрд АҚШ долларына жетті.
Үздік үштікті Amazon компаниясынан Джефф Безос жапты: 65,3 млрд АҚШ долларына байып, жалпы байлығы 174,4 млрд АҚШ долларына жетті.
Әлемдегі ең бай 50 адамның 2023 жылы ең көп ақша жоғалтқандар ішінде үндістандық миллиардер Гаутама Адани болды, ол жалған компаниялар, акциялардың бағасын манипуляциялау және ақшаны жылыстатуға қатысты шудың аясында бірден 56,5 млрд АҚШ долларынан (69,7 млрд АҚШ долларына дейін) айырылды. Одан кейін Чжан Имин (6,1 млрд АҚШ долларынан айырылды) мен Чарльз Кох (3,8 млрд АҚШ долларынан айырылды).
Айта кетейік, 2023 жылы әлемдегі ең бай 50 адамның ішінде 9 миллиардер өз капиталын азайтты. Ал антирейтингтің 10-орнында капиталы іс жүзінде өзгермеген және 32,2 млрд АҚШ доллары болатын (0,1 млрд АҚШ долларына көбейген) деңгейінде қалған Мириам Адельсон мен отбасы тұр.
Сонымен қатар, Goldman Sachs S&P 500 7% өсіп, қалыпты кірісті көреді деп болжайды. Айта кетейік, көптеген фирмалар 2023 жылға арналған болжамдарына сақтықпен қарағанымен, Goldman Sachs экономика рецессиядан аулақ болады деп айтқан санаулылардың бірі болды.
