2023 жылғы 1 шілдедегі жағдай бойынша, ел тұрғындарының ҚР ЕДБ-дегі мерзімді депозиттері 14,9 трлн теңгеге жуықтады. Бір айда бұл көрсеткіш 2,5% өсті.
Депозиттерге кепілдік беру жүйесіне қатысушы банктер арасында жеке тұлғалардың мерзімді депозиттерінің ай сайынғы өсімі бойынша Bereke Bank көш бастап тұр: бірден 10,4% көбейіп, 257,5 млрд теңгеге жетті. Бір жыл ішінде банктің депозиті 87,4% өсті. Банк тартымды шартпен жинақ салымдарының екі түрін ұсынады: «Пайдаңды жіберіп алма» және «Сақтау». Салымды ішінара толықтыруға болмайтын бірінші депозит бойынша ЖТСМ — 17,2%-дан, ал толықтыруға мүмкіндігі бар екінші депозит — 17%-дан басталады.
Ай сайынғы өсім бойынша үздік үштікке KZI Bank (8%) және ВТБ банкі (7,45%) кірді, екеуі де шетелдік еншілес ұйымдар.
Алғашқы бестікке жеке тұлғалардың депозиттері 5,65% өскен Bank RBK және 4,5% өскен Еуразиялық Банк кірді.
Ай сайынғы өсіммен қатар, жеке тұлғалардың мерзімді депозиттері ұзақ мерзімді динамикада да айтарлықтай өсті. Мәселен, бір жылда бұл сома бірден 31,2%, ал бес жылда бірден екі еседен астам өсті.
Қазақстандық депозиттерге кепілдік беру қоры (ҚДКҚ) мерзімді депозитке орналастырылған ақшаның және жинақталған сыйақылардың сақталуын қамтамасыз ететінін атап өткен жөн:
- 10 млн теңгеге дейінгі сомадағы депозит (жинақталған сыйақыны қосқанда) — толық қорғалады;
- 10 млн теңгенің депозиті де толық қорғалған, бірақ сыйақы ең жоғары кепілдік берілген сомадан асып кетеді;
- депозит 10 млн теңгеден асса, мысалы, 11 млн теңге болса — 10 млн теңгесі ғана қорғалады. 1 млн теңге кепілдіктің максималды сомасынан асып кетіп тұр. Мұндай жағдайда ҚДКҚ бұл ақшаның қайтарылуына кепілдік бере алмайды.
