2023 жылғы 1 шілдедегі жағдай бойынша, жеке тұлғалардың банктердегі депозиті 18 трлн теңгеге жетті, бұл жыл басындағы көрсеткіштен 1,1 трлн теңгеге (немесе 6,4%) артық.
Жыл басынан бері Kaspi.kz жеке тұлғалар депозитінің өсімінен көшбасшы болды: 541,7 млрд теңгеге ұлғайған. Мұндай өсім ҚР-ның басқа ЕДБ нәтижелерінен бірнеше есе жоғары. Биыл маусым соңына қарай жеке тұлғалардың бұл банктегі депозит портфелі 4,2 трлн теңгеге жетті.
Екінші орында Еуразиялық Банк. Жеке тұлғалардың депозиті 155,5 млрд теңгеге, 1 трлн теңгеге дейін өсті. Үздік үштікті Фридом Финанс Қазақстан банкі жабады: 134,4 млрд теңге ұлғайып, 443,7 млрд теңгеге жетті.
ҚР ЕДБ депозит көлемінің өсуі клиенттердің қаржыларын сақтау мен арттырудың сенімді құралы ретінде депозитті қарастыратынын көрсетеді.
Қазір еліміздің банк секторында 21 ЕДБ бар. Ал жеке тұлғалардың депозитінің негізгі шоғырлануы ірі қаржы институттарына, соның ішінде жоғарыда аталған банктерге тиесілі. Топ-5 ЕДБ-да барлық депозиттің 80%-ы бар.
Жалпы, жаһандық геосаяси күйзелістерге қарамастан, жеке тұлғалардың ел банктеріндегі депозиті де ұзақ мерзімді өсіп келеді. Бір жыл ішінде мұндай депозиттердің көлемі 4,3 трлн теңгеге (немесе 31,3%) өсті. Бес жылдық кезеңді қарастыратын болсақ, онда бұл сома 2 еседен астам, ал он жылда 5 есеге жуық көбейген.
Осылайша, жаһандық дағдарыстарға қарамастан ҚР ЕДБ депозит тартуды жалғастырып жатқанын атап өтуге болады, бұл қаржылық тұрақтылық пен банк жүйесінің дамуын көрсетеді.
