International Telecommunication Union (ITU) мәліметінше, Орталық Азияның басқа елдерімен салыстырғанда Қазақстан ең қолжетімді ұялы байланысқа ие. 2021 жылы ҚР-да тариф* бойынша ұялы байланыстың құны жан басына шаққандағы жалпы ұлттық табыстың (ЖҰТ) 1,04%-ын ғана құрады. Сонымен қатар мобильді интернет жылдамдығы ҚР-нан сәл төмен болатын Қырғызстанда ұялы байланысқа жұмсалған қаражат жан басына шаққандағы ЖҰТ-ның 3,11%-ын құрады.
Ұялы байланыс шығыны Қазақстанмен шамалас елдер Өзбекстан (жан басына шаққандағы ЖҰТ-тың 1,14%-ы) және Түрікменстан (жан басына шаққандағы ЖҰТ-тың 1,17%-ы), алайда бұл елдерде мобильді интернет жылдамдығы Қазақстанға қарағанда әлдеқайда төмен. Тәжікстанда жылдамдық айтарлықтай нашар, ал 2021 жылы ұялы байланыс құны 2021 жылы жан басына шаққандағы ЖҰТ-тың 3,02%-ын құрады.
ITU дерегінше, Қазақстанда 2021 жылы мұндай тарифтің айына құны орташа есеппен 6,89 АҚШ долларын немесе 2,9 мың теңгені құрады, бұл қазақстандықтардың барлық шығындарының 4,4%-ын ғана құрайды. Салыстыру үшін: бұл ретте, РИА Новости мәліметінше, қазақстандықтар үй шаруашылығының 53%-ын бірден тамаққа жұмсайды — бұл Еуропадағы соңғы орын және ең нашар көрсеткіш.
Қазақстандағы мобильді интернеттің медианалық жылдамдығы биылғы қазан айында бір жыл бұрынғы 19,49 Мбит/с-пен салыстырғанжа 22,41 Мбит/с дейін өсті.
Speedtest Global Index бойынша Орталық Азияның көршілес елдерінде мобильді интернеттің орташа жылдамдығы ҚР-ның көрсеткіштерінен айтарлықтай төмен. Тек Қырғызстанда ғана жылдамдық 20,92 Мбит/с-қа жетті (бірақ екі елдің аумағын салыстыруға келмейді). Одан кейін Өзбекстан мен Тәжікстан: сәйкесінше 15,22 Мбит/с және 8,01 Мбит/с. Сонымен қатар, Қырғызстан мен Өзбекстанда мобильді интернет жылдамдығы артқан болса, Тәжікстанда керісінше төмендеген. Түрікменстанда осы жылдың қазан айындағы мобильді интернеттің медиандық жылдамдығы туралы деректер белгісіз, бірақ мамыр айындағы соңғы деректер бойынша ол небәрі 4,98 Мбит/с болған.
Бүкіл әлемде мобильді интернеттің орташа жылдамдығы бір жыл ішінде 28,54 Мбит/с-тан 2022 жылдың қазан айына қарай 33,43 Мбит/с дейін өсті.
* сарапшылар 70 минут сөйлесу уақытын, 20 SMS және 500 Мб ұялы деректерді қоса алғанда, орташа салыстырмалы тарифті қарастырды
