Дүние жүзінде 350 миллион адам көмекке мұқтаж. Оның үстіне әскери қақтығыстар жағдайды ушықтырып, босқындарды көбейтіп жатыр

Фото: https://www.shutterstock.com/

2023 жылдың бірінші тоқсанының соңында БҰҰ Гуманитарлық дағдарыстарды үйлестіру басқармасының (OCHA) Жаһандық гуманитарлық шолуының (ЖГШ) мәліметінше, 2023 жылға қажетті гуманитарлық көмек көлемі 54,4 млрд АҚШ долларын құрады. Бұл жылдың басында есептелген көрсеткіштен (51,1 млрд АҚШ доллары) көп. Көмекке мұқтаж адамдардың саны 349,7 млн адамды құрады, оның 125,6 млн-ы тек 5 елде — Эфиопия, Ауғанстан, Йемен, Конго және Пәкістанда.

Гуманитарлық әрекет ету жоспарына (HRP) сәйкес, Сирия Араб Республикасы ең көп гуманитарлық көмекке мұқтаж, яғни 4,81 млрд АҚШ долларын қажет етеді, ал қаржыландыру 377,4 млн АҚШ долларын ғана құрайды, бұл қажетті соманың 7,8%-ын ғана қамтиды. Одан кейін Ауғанстан (4,63 млрд АҚШ доллары) және Йемен (4,34 млрд АҚШ доллары). Биыл Йемендегі қаржыландыру қажетті көлемнің кем дегенде 20,2%-ын қамтыса, Ауғанстанда небәрі 6,5%-ы ғана. Гуманитарлық көмек көрсету жоспарына сәйкес, Эфиопия (3,99 млрд АҚШ доллары) мен Украина (3,95 млрд АҚШ доллары) да айтарлықтай көмекті қажет етеді.

Сомали (2,25 млрд АҚШ доллары), Конго (2,25 млрд АҚШ доллары), Судан (1,75 млрд АҚШ доллары), Оңтүстік Судан (1,70 млрд АҚШ доллары) және Нигерия (1,31 млрд АҚШ доллары) да гуманитарлық көмекті қажет ететіндердің қатарында. Қарулы қақтығыстар жүріп жатқан елдерге айтарлықтай көлемдегі гуманитарлық көмек қажет, ал экологиялық және басқа да апаттары бар елдер айтарлықтай аз қаржыландыруды қажет ететінін атап өткен жөн.

Дүние жүзінде 350 миллион адам көмекке мұқтаж. Оның үстіне әскери қақтығыстар жағдайды ушықтырып, босқындарды көбейтіп жатыр