Қатерлі ісік — әлемдегі ең көп таралған аурулардың бірі. ДДҰ мәліметінше, әлемде әрбір алтыншы өлім онкологиялық ауруларға байланысты. Қатерлі ісіктің ең көп тараған түрлеріне сүт безі қатерлі ісігі, өкпе қатерлі ісігі, тоқ ішек және тік ішек қатерлі ісігі, простата қатерлі ісігі жатады.
Our World in Data пандемияға дейінгі дерегінше, 2019 жылы қатерлі ісіктің әр түрлерінен 10,1 млн адам қайтыс болды, бұл 1990 жылмен салыстырғанда бірден 75,1% артық.
Қатерлі ісік салдарынан болатын өлімнің ең көп тараған себебі трахея, бронх және өкпенің қатерлі ісікке шалдығуы: қатерлі ісіктің бұл түрлері 2 млн адамның қайтыс болуына себеп болды, 1990 жылмен салыстырғанда көрсеткіш бірден 91,8% артық.
Кісі өліміне әкелетін қатерлі ісік түрлеріне тоқ ішек және тік ішек қатерлі ісігі, асқазан қатерлі ісігі, сүт безі қатерлі ісігі, ұйқы безі қатерлі ісігі және өңеш қатерлі ісігі жатады.
