Қазақстанда қызметкердің орташа айлық атаулы жалақысы 1 млн теңгеден асатын экономиканың салалық санаттарының саны артты. 2022 жылдың төртінші тоқсанында мұндай тек үш санат болды: теңіз және жағалаудағы жүк тасымалдау қызметі; қаржылық қызмет көрсету және сақтандыру саласындағы көмекші қызмет; міндетті әлеуметтік сақтандыру саласындағы қызмет. Бір жылдан кейін, 2023 жылдың желтоқсанына қарай бұл тізім тағы үш саламен толықты: әуе көлігі қызметі; сақтандыру және зейнетақы; бас компаниялардың жұмысы және басқарушылық кеңес беру. Сонымен қатар, былтыр төртінші тоқсанда ең жоғары номиналды жалақы бойынша жаңа рекорд орнатылды. 2023 жылғы қыркүйек–желтоқсанда әлеуметтік сақтандыру саласында жалақы жылдық мәнде 48,3% өсіп, шамамен 1,6 млн теңгені құрады.
Былтыр соңғы тоқсанда республикалық орташа атаулы жалақы 393,6 мың теңгені құрады. Бір жыл ішінде ол 16,2% өсті. Алайда экономиканың барлық саласы мұндай өсім болмады. Жалпы өнеркәсіп бойынша қызметкерлердің атаулы жалақысының өсуі 14,1%, құрылыста — 6,7%, HoReCa-да — 5,5% өсті. Теріс динамика да болды: теңіз жүк тасымалымен айналысатындардың атаулы жалақысы 24,5%, сауда саласында 15,7% төмендеді.
Қазақстандықтарды миллионер ететін кәсіптер мен лауазымдар саны бойынша мұнай саласы бірінші орында тұр. Жалақысы 1 млн теңгеден басталатын мамандар көп болатын салалардың қатарында тау-кен өнеркәсібі, сауда және IT саласы да бар.
