2023 жылдың қаңтар–тамызында киім өндірісі секторындағы негізгі капиталға инвестиция 795 млн теңгені құрады, бұл 2022 жылдың сәйкес кезеңімен салыстырғанда ақшалай 12,2% аз. Инвестицияның физикалық көлемінің нақты төмендеуі 16% болды.
Анықтама үшін: былтыр қаңтар–тамызда киім өндірісіне салынған инвестиция 905,4 млн теңгені құрады — 2021 жылдың қаңтар–тамызымен салыстырғанда ақшалай 5% артық, инфляцияны есепке алғанда нақты мәнде 0,6% төмендеу байқалды.
Былтыр салаға салынған инвестицияның 100%-ы кәсіпорындардың өз қаражаты есебінен қамтамасыз етілсе, биыл оның үлесіне 98,9% немесе 786,1 млн теңге болды, қалған 8,8 млн теңге банктік емес қарыз қаражаты.
Киім тігуге арналған материалдардың бағасы бір жылда 2023 жылдың тамыз айының соңында 8% өсті. Былтыр баға 15,6% өскен. Киім бағасы 2023 жылдың тамыз айының соңында бір жылда 13,3% өсті, былтыр бағаның өсімі 11,1% болған.
2023 жылы Қытайда өтіп жатқан Азия ойындары қарсаңында отандық өндірушілердің спортшыларға берген киімдерінің сапасына қатысты жанжал шықты. Спортшылар алған жабдықтарды «бір рет қана қолданылатын» деп атады.
