2022 жылдың қаңтар–желтоқсанда жеңіл және жүк көлік құралдарын, су және әуе көлігін, құрылыс машиналары мен жабдықтарын, ауыл шаруашылығы машиналарын, зияткерлік меншік өнімдерін, компьютерлік және перифериялық жабдықтар мен ұқсас өнімдерді жалдау, прокат және лизинг қызметінің көлемі 541,2 млрд теңгені құрады.
Ақшалай түрде бұл бір жыл бұрынғы сәйкес кезеңімен салыстырғанда 0,5% артық, алайда нақты мәнде секторда құлдырау байқалады (ФКИ — бар болғаны 91%, яғни нақты көлем бойынша минус 9%).
Жалдау, прокат және лизинг қызметінің төрттен үштен астамы ҚР-ның 20 өңірінің тек 4-не — Астана мен Алматы мегаполистеріне (тиісінше 125,7 млрд және 104,4 млрд теңге), сондай-ақ мұнайлы өңірлер Маңғыстау және Атырау облыстарына (тиісінше 97,9 млрд және 83,5 млрд теңге) тиесілі.
Салада көрсетілген қызмет ең аз өңірлер Жетісу (626,8 млн теңге), Түркістан (1,1 млрд теңге) және Алматы (2,2 млрд теңге) облыстары.
