Биыл қазан айының соңында күріш бір жылда 40,3% өсті — бұл бағаның 28,9% өсуі байқалған былтырмен салыстырғанда айтарлықтай жоғары. Бұған дейін күріш екі жыл қатарынан арзандады.
2023 жылдың қазан айында күріштің бір килосының орташа бөлшек сауда бағасы 2022 жылғы қазандағы 473 теңгемен салыстырғанда 654 теңгені құрады.
ҚР ірі қалаларының ішінде ұнтақталған және жылтыратылған күріштің ең жоғары бағасы Ақтау қаласында тіркелді: килосы 904 теңге. Одан кейін Орал мен Астана: тиісінше 829 теңге және 821 теңге.
Күріш Қызылорда (495 теңге), Петропавл (510 теңге) және Талдықорғанда (519 теңге) ең арзан болды.
2023 жылдың қаңтар–қазанында жартылай ақталған немесе толық ақталған немесе тазартылған немесе уатылған күріш өндірісі 177,2 мың тоннаны құрады, бұл былтырғы сәйкес кезеңнен 9,8% аз. Айта кетерлігі, бұған дейін үш жыл қатарынан өндіріс көлемінің өсуі байқалды. ҚР-дағы күріштің барлығы дерлік Қызылорда облысында өндіріледі, ал қалған 10%-дан азы Алматы, Түркістан және Жетісу облыстарынан келеді.
