2023 жылдың желтоқсан айының соңында бензин бағасы бір айда небәрі 0,1% өсті, ал дизель отыны, керісінше, 0,5% арзандады. Дегенмен, бір жыл ішінде бензин бағасы 13,7% өссе, дизель отыны 15,2% қымбаттады.
Атап айтқанда, АИ-92 бензині бір жылда 12,8%, АИ-95/96 — 18,7%, АИ-98 — 20,1% қымбаттады. Жазғы дизель отыны 21,2% қымбаттаса, қысқы дизель отыны керісінше 11% арзандады.
2023 жылдың желтоқсан айының соңында ҚР-да АИ-92 маркалы бензиннің литрінің орташа құны 203 теңге, АИ-95/96 — 254 теңге, АИ-98 — 284 теңге болды.
Жазғы дизель отынының литрі 2023 жылдың желтоқсан айында 291 теңге, қысқы дизель отынының литрі 561 теңге болды.
