2022 жылы елдің ауыл шаруашылығы кәсіпорындары 4,2 млн тонна мал азығын тұтынған, бұл бір жыл бұрынғыдан 8,2% артық. Оның 4,2 млн тоннасын ауыл шаруашылығы кәсіпорындары, 36,5 мың тоннасын жеке кәсіпкерлер мен шаруа қожалықтары немесе фермерлік шаруашылықтар тұтынған.
Мал азығын ең көп тұтыну Ақмола облысында болды: 704,8 мың тонна, бір жылда 4,6% азайған. Екінші және үшінші орында Солтүстік Қазақстан (586,2 мың тонна, 19,1% көбейген) және Алматы (558,5 мың тонна, 17,7% азайған) облыстары.
Жануарлардың түрі бойынша ең көп азық тұтыну ірі қара малға тиесілі: 2,1 млн тонна — бір жыл бұрынғыдан 8,6% артық. Соның ішінде 872,5 мың тоннасы сиырға берілді.
Құсқа жемшөп шығыны 1,3 млн тонна (бір жылда 9,4% көбейген), жылқыға — 356,3 мың тонна (4,9% көбейген), қойға — 269,6 мың тонна (12,2% көбейген), шошқаға — 135,2 мың тонна (4,3% көбейген).
Бұл ретте, түйеге жемшөп шығыны небәрі 7,2 мың тонна (4,2% азайған), ешкіге — 5,1 мың тонна (8% азайған), шаруа қожалықтарында өсірілетін бұғыға — 3,6 мың тонна (20% көбейген), қоянға — 5 тонна, бір жыл бұрын 2,6 тонна ғана болған.
