Компьютерлік бағдарламалау, консультация және басқа да ілеспе қызметтер саласындағы қызметкерлердің саны ковидке дейінгі кезеңмен салыстырғанда айтарлықтай өсті. 2023 жылдың бірінші тоқсанында қызметкерлер саны 15,2 мың адамды құрады, бұл бір жыл бұрынғыдан бірден 15%, ал 2020 жылдың бірінші тоқсанымен салыстырғанда 2,3 есе артық. Бұл ретте сектордағы әйелдердің үлесі бір жыл ішінде 40,5%-дан 38,2%-ға дейін төмендеді — бұл ағымдағы жылдың бірінші тоқсанында 5,8 мың адам деген сөз.
Салада жұмыс істейтіндердің нақты саны бір жылда 15,6% өсіп, 14,4 мың адамды құрады, оның ішінде 5,2 мыңы әйелдер, 2022 жылдың бірінші тоқсанымен салыстырғанда 9% көбейді.
Саладағы кәсіпорындардың саны ковидке дейінгі кезеңмен салыстырғанда 2,7 есе өсіп, 249-ға жетті. Бір жылда бұл көрсеткіш 18% өскен. 249 кәсіпорынның 204-і шағын кәсіпорын. Тағы 34-і орта, 11-і ірі компаниялар.
Биыл бірінші тоқсанда сектордағы орташа айлық жалақы 790,6 мың теңгені құрап, республика бойынша орташа жалақыдан 2,3 есе көп болды. Сонымен қатар пандемияға дейінгі 2019 жылдағыдан да 2,3 есе көп.
Салада жалақының сатып алу қабілетінің нақты өсімі жылына 38,1% болса, жалпы республика бойынша керісінше көрсеткіш 0,6% төмендеген.
Бұл ретте сектордағы ең төменгі жалақы шағын ұйымдардың қызметкерлері арасында байқалады: 2023 жылдың бірінші тоқсанында — 635,2 мың теңге. Одан кейін ірі компаниялар (797,6 мың теңге), ал ең жоғары көрсеткіш орта кәсіпорындарға (876,1 мың теңге) тиесілі.
