2023 жылғы қаңтар–қарашада денсаулық сақтау және әлеуметтік қызмет көрсету саласындағы негізгі капиталға салынған инвестиция 300 млрд теңгеге жетті, бұл 2022 жылдың сәйкес кезеңімен салыстырғанда ақшалай түрде бірден 43,1% артық. ФКИ 136,2%-ды құрады, бұл секторға инвестицияның нақты 36,2% өскенін көрсетеді.
Салыстыру үшін: былтыр сәйкес кезеңде секторға салынған инвестиция көлемі 209,6 млрд теңгені құрады — бір жылда құндық мәнде 30,9% өскен.
Өңірлер бойынша биыл қаңтар–қарашада ең көп инвестиция Астанада салынды: 88 млрд теңге, бір жылда 26,2% көбейген. Сондай-ақ инвестицияның айтарлықтай көлемі Алматы қаласында (50,4 млрд теңге), Түркістан (22,8 млрд теңге) және Шығыс Қазақстан (19,3 млрд теңге) облыстарында байқалды.
Ең аз Ұлытау (1,6 млрд теңге), Маңғыстау (2,1 млрд теңге) және Солтүстік Қазақстан (4,1 млрд теңге) облыстарында тіркелді.
Инвестицияның басым бөлігі кәсіпорындардың меншікті қаражаты болды: бір жыл бұрын 67 млрд теңге болса, биыл 131,2 млрд теңге. Жылдық өсім 95,8%, жалпы инвестициядағы үлесі 43,7%.
Сонымен қатар, жергілікті бюджеттерден 82,4 млрд теңге (бір жылда құндық мәнде 23,4% көбейген), республикалық бюджеттен 70,7 млрд теңге (44,8% көбейген) инвестицияланды. Банктік емес қарыз қаражат 10,6 млрд теңге (51% азайған), банк несиесі 5,2 млрд теңге (4,7% азайған) болды.
