АӨК-ке салынған инвестицияның барлығы дерлік өсімдік шаруашылығы мен мал шаруашылығына тиесілі

Фото: https://www.shutterstock.com/

3 просмотров

2023 жылғы қаңтар–желтоқсанда ауыл, орман және балық шаруашылығы саласындағы негізгі капиталға инвестиция 981 млрд теңгені құрады — 2022 жылдың сәйкес кезеңімен салыстырғанда ақшалай түрде 14,9% көп (ФКИ — 110,3%). Бір жыл бұрын өсім 10,4% (ФКИ — 106,7%) болды. Ауыл шаруашылығы саласына құйылатын инвестицияның жылдан-жылға артып келе жатқанын атап өткен жөн, бұл әсіресе азық-түліктің қымбаттауы аясында маңызды.

Өңірлер бойынша салаға құйылған инвестиция көлемінің жартысынан астамы тек төрт өңіге — Солтүстік Қазақстан (175,7 млрд теңге), Павлодар (153,6 млрд теңге), Түркістан (110,2 млрд теңге) және Қостанай (102,4 млрд теңге) облыстарына тиесілі.

Салаға күрделі салымдардың барлық дерлік көлемі дәстүрлі түрде өсімдік және мал шаруашылығы, аңшылық және осы салаларда көрсетілетін қызметке құйылды: 954,1 млрд теңге, оның 612,4 млрд теңгесі бір немесе екі жылдық дақылдарды өсіруге, 236,3 млрд теңге мал шаруашылығына салынды.

Балық аулау және балық өсіру саласына 22,3 млрд теңге (бір жыл бұрынғыдан 2,1 есе көп), орман шаруашылығы және ағаш дайындауға 4,7 млрд теңге (2022 жылғы қаңтар–желтоқсанмен салыстырғанда бірден 6,8 есе көп) жетті.

АӨК-ке салынған инвестицияның барлығы дерлік өсімдік шаруашылығы мен мал шаруашылығына тиесілі