Биылғы қазан айында ҚР-да халықтың ұлттық валютадағы депозиттері бойынша сыйақы мөлшерлемесі 12,6%, шетел валютасында небәрі 0,9% болды. Бұл ретте республикадағы инфляция деңгейі 18,8%-ға жетті. Бұндай жағдайда қаражатты банктерде сақтау іс жүзінде шығынға ұшыратады, яғни қазақстандықтар инвестициялаудың басқа жолдарын іздеуі керек. Қарапайым, қолжетімді және ұтымды инвестициялаудың кем дегенде бір нұсқасы бар. Ол — тұрғын үй.
Айталық, 2021 жылдың соңында ҚР-да жалпы баға 2005 жылдың желтоқсанымен салыстырғанда 3,5 есе өсті. Осы кезеңде АҚШ доллары 3,2 есе, еуро 3,1 есе қымбаттады. Сонымен қатар қайталама нарықтағы тұрғын үй (яғни инвестиция ретінде сатып алынған жылжымайтын мүлікті қайта сату) осы кезеңде бірден 4,6 есе қымбаттады.
Айта кету керек: Қазақстандықтардың көптеген басқа елдердің тұрғындарынан айырмашылығы, қаражатты жылжымайтын мүлікке — тұрғын үй құрылыс жинақтары жүйесіне айырбастаудың ерекше мүмкіндігі бар екенін атап өткен жөн. Бұл жүйе кәдімгі депозиттен айырмашылығы, жеңілдетілген тұрғын үй несиесі арқылы қысқа мерзімде баспана алу үшін ақша жинап, жеке жылжымайтын мүліктің иесі болуға мүмкіндік береді. Сонымен қатар мемлекет тұрғын үй құрылыс жинақ жүйесіне қатысушыларды қолдайды: жыл сайын мемлекеттік бюджеттен жинақтау кезеңінде сыйлықақы төлеуге қаражат бөлінеді — 200 АЕК-ке дейінгі сомаға 20% қосылады. Бүгінгі таңда еліміздегі тұрғын үй құрылыс жинақ жүйесі бойынша жұмыс істейтін жалғыз банк — Отбасы банкі.
